An tUachtarán Micheál D. Ó hUigínn – Tríd an Lionsa (Online)

Agus an tUachtarán Micheál D. Ó hUigínn ag druidim le míonna deiridh a thréimhse 14 bliana, tá Músaem Cathrach na Gaillimhe agus Féile Idirnáisiúnta Ealaíon na Gaillimhe tagtha le chéile chun An tUachtarán Micheál D. Ó hUigínn – Tríd an Lionsa a chur i láthair, taispeántas grianghrafadóireachta ina ndéantar ceiliúradh ar shaol lán de chomhbhá agus cultúr.

Sa taispeántas seo, rinneamar iarracht ní hamháin an státaire, an gníomhaí agus an polaiteoir a léiriú, ach freisin na cáilíochtaí daonna a thug an tUachtarán Ó hUigínn don oiread sin daoine: a chroíúlacht, a ghreann, a dhaonnacht agus a ghrá don saol.

Insítear a scéal sa taispeántas trí íomhánna cumhachtacha, a léiríonn a thiomantas ar feadh an tsaoil do cheartas sóisialta, do chomhionannas, do léiriú cultúir, agus do chearta na ndaoine imeallaithe. Ó thús a thurais acadúil agus pholaitiúil go habhcóideacht idirnáisiúnta, léiríonn na grianghraif seo na luachanna agus an fhís a threoraigh é le linn a ghairmréime.

Ní hamháin gur beathaisnéis amhairc an taispeántas seo, is cuireadh é freisin chun machnamh a dhéanamh ar an gcineál ceannaireachta a bhfuil ionbhá, intleacht agus cultúr ina chroílár. I dtréimhse inar féidir leis an dioscúrsa poiblí a bheith briste agus idirbheartaíoch, léirítear dearcadh eile le Tríd an Lionsa: Uachtarán a bhí i láthair go seasta agus a d’úsáid a ghuth chun uchtach a thabhairt do dhaoine seachas iad a dheighilt, chun a samhlaíocht a úsáid seachas díreach a bheith ag treabhadh leo.